စားသုံးသူတွေရဲ့စေတနာကြောင့် ဆိုင်ခွဲ(၃)ဆိုင်ဖွင့်နိုင်ခဲ့တာပါ

“ကုန်သည်ပွဲစားဘဝကနေ လမ်းဘေးစျေးသည်ဘဝကို ပြောင်းရတဲ့အခါမှာ အခက်အခဲတွေ အများကြီးရင်ဆိုင်ခဲ့ရတယ်… မြောင်းမြကနေ ရန်ကုန်တက်လာတာတောင် ဦးတို့မိသားစု အိမ်ငှါးဘဝနဲ့ နေခဲ့ရတာပါ… မုန့်ဟင်းခါးစရောင်းခါစက တစ်နေကုန် ည/မနက်ရောင်းမှ (၅)ပိဿာလေးဘဲ ကုန်တယ်… အခုချိန်မှာတော့ တစ်ရက်ကို မုန့်ဟင်းခါးပိဿာအချိန် (၉၀)ဝန်းကျင်လာက် ရောင်းရပြီး ဆိုင်ခွဲ(၃)ဆိုင်လောက် ဖွင့်နိုင်ခဲ့ပါပြီ… ပိုင်ဆိုင်မှုအနေနဲ့ အိမ်ခန်းလေး(၂)ခန်း ဝယ်နိုင်ခဲ့ပြီး အလှူအတန်းတွေလည်း လုပ်နိုင်လာပါပြီ… ဒါဟာလည်း စားသုံးသူတွေရဲ့ စေတနာကြောင့်ပါ” ဆိုတဲ့ ဦးခင်မောင်ထွန်း (မြောင်းမြရွှေလမင်းမုန့်ဟင်းခါးဆိုင်ရှင်)